hobbi辦學機構宣傳指南:第一講,如何撰寫課程廣告標題

辦學機構宣傳指南」,係hobbi.hk為咗作為辦學機構嘅你而刊載嘅資訊。令你知道點樣有效咁用文字、圖片去增加你嘅課程響網上嘅曝光率,更容易俾搜尋引擎、同埋潛在嘅學生搵到。首先講下標題。

響hobbi.hk嘅網站同手機App上面,用戶都會透過瀏覽分類同埋搜尋嘅方式去搵佢哋嘅心水興趣班。同時,亦有唔少訪客同埋學生係會用坊間嘅搜尋引擎 (search engine) 直接響浩瀚嘅internet上面搵興趣班,廣告標題,就係佢哋接觸到你嘅興趣班嘅第一步。

如何撰寫「Search Engine Friendly」嘅廣告標題?

「Search Engine Friendly」,即係容易俾搜尋引擎嘅機械人睇得明咁嘅意思。
標題,唔應該太多字、或者太浮誇,甚至更加唔好用啲古怪嘅符號去意圖吸引人注意(擺埋啲星星月亮出嚟,只會俾人覺得亂七八糟!),但係就咁寫「書法班」咁做標題,又好容易沒埋咗其他行家嘅課程度喎,咁點算好呢?

嗱,標題應該係要簡單,直接到點嘅。訪客立一眼就知道係乜嘢,知道係咪要click落條link度睇。一個課堂廣告標題係由幾個項目組成:對象、時間、題目、階段、導師同辦學機構,同埋如果有嘅話,可以寫埋課程嘅資格認可。

課堂廣告標題組成項目

對象 兒童/青少年/成人/長者/全年齡或者無特別注明;
時間/上課地點 「逢星期X、Y」、「屯門」或者無特別注明,如果機構同一時間有唔同時間嘅同類班別嘅話,有嘅話,會容易啲去區分;
階段 如果有分難易度、等級嘅話,就要注明係「入門」、「初級」、「中級」、「進階」、「高階」,或者有特別資格嘅話,就可能係「N5級」、「四級」等等。或者無特別注明;
主題 必要!最重要!基本嘅好似「德文班」、「篆書書法班」。用「班」、「課程」做主題結尾,就清楚俾人知佢係一個課程。另外,有專業、或者資格認可嘅話,就更加要注明係乜嘢資格認可同內容;
導師 非必要,但係如果導師係知名嘅、資深嘅、或者由語言課程由當地出身嘅導師任教都可以注明;
辦學機構 非必要,不過想要再突出少少嘅話,不妨加埋個辦學機構個名落去啦!

我哋會建議個寫法係……

[對象][階段+題目/資格認可][空格分隔或短劃(減號)+時間/上課地點][空格分隔或短劃(減號)][辦學機構/導師名字]

好似好複雜?唔緊要,搵啲例子睇下你就明㗎喇:

  1. 青少年N5日本語漢字強化課程 – 某某語言學校
  2. 自由式游泳班 逢星期二三四晚 觀塘泳池
  3. 成人初級太極研習班 陳大力師傅

以上嘅例子,都可以好清楚咁話俾「真人訪客」同「機械人訪客」知,個課程係關於乜嘢嘅。

下一講,我哋會講下點樣去寫一個適合嘅課程廣告內容。

第二講,課程廣告內容