hobbi辦學機構宣傳指南:第四講,課程廣告審閱

為咗令作為辦學機構嘅你知道點樣有效咁運用文字、圖片去增加你嘅興趣班課程響網上嘅曝光率,更容易俾搜尋引擎、同埋潛在嘅學生搵到,hobbi.hk專門刊載「辦學機構宣傳指南」。過去我哋講解過過點樣寫課程廣告標題課程廣告內容辦學機構對廣告嘅重要性,呢次,我哋講下會同大家講下課程廣告審閱時候嘅部份標準。

繼續閱讀 hobbi辦學機構宣傳指南:第四講,課程廣告審閱

hobbi辦學機構宣傳指南:第三講,辦學機構介紹

辦學機構宣傳指南」,係hobbi.hk為咗作為辦學機構嘅你而刊載嘅資訊。令你知道點樣有效咁運用文字、圖片去增加你嘅課程響網上嘅曝光率,更容易俾搜尋引擎、同埋潛在嘅學生搵到。我哋響辦學機構宣傳指南嘅第一講同第二講分別講過點樣寫課程廣告標題課程廣告內容,今次,我哋講下辦學機構介紹。

繼續閱讀 hobbi辦學機構宣傳指南:第三講,辦學機構介紹

hobbi辦學機構宣傳指南:第二講,如何撰寫課程廣告內容

上回講到,點樣寫一個好嘅課程標題去令到你嘅課程可以響云云嘅課程目錄中更容易俾潛在嘅學生見到。今次,我哋就講下課程廣告最重要嘅一樣嘢──廣告內容嘅真身。

好喇,大家想像下,你上網搵興趣班,去網站搜尋引擎(search engine)搵下搵下,見到個網頁嘅標題唔錯,撳咗落去啦。點知去到果個網頁果度見到──哇乜都無嘅!就係得返果個一模一樣嘅標題、星期幾幾點上堂,然後………… 然後就沒有然後了…………。具體學乜嘢、邊個教,一句都無提過,你諗下果下你會幾咁失望兼失落呢,你諗下你會唔會真係去查詢、報名先。

所以換返個角度,你就諗到介紹課程內容有幾重要喇。

繼續閱讀 hobbi辦學機構宣傳指南:第二講,如何撰寫課程廣告內容

hobbi辦學機構宣傳指南:第一講,如何撰寫課程廣告標題

辦學機構宣傳指南」,係hobbi.hk為咗作為辦學機構嘅你而刊載嘅資訊。令你知道點樣有效咁用文字、圖片去增加你嘅課程響網上嘅曝光率,更容易俾搜尋引擎、同埋潛在嘅學生搵到。首先講下標題。

響hobbi.hk嘅網站同手機App上面,用戶都會透過瀏覽分類同埋搜尋嘅方式去搵佢哋嘅心水興趣班。同時,亦有唔少訪客同埋學生係會用坊間嘅搜尋引擎 (search engine) 直接響浩瀚嘅internet上面搵興趣班,廣告標題,就係佢哋接觸到你嘅興趣班嘅第一步。
繼續閱讀 hobbi辦學機構宣傳指南:第一講,如何撰寫課程廣告標題

hobbi辦學機構宣傳指南:如何撰寫一個好嘅課程廣告?

大家好!呢篇係我哋hobbi「辦學機構宣傳指南」嘅《點樣撰寫一個好嘅課程廣告?》系列嘅引子。

「辦學機構宣傳指南」,係hobbi.hk為辦學機構而刊載嘅資訊。令你知道點樣有效咁用文字、圖片去增加你嘅課程響網上嘅曝光率,更容易俾搜尋引擎、同埋潛在嘅學生搵到。

關於興趣班平台

hobbi.hk係一個以課餘、業餘興趣班課程做主題嘅分類網站兼手機App,我哋已考慮到各種興趣班嘅課程特質,而制訂咗相關嘅格式。例如係課程文字介紹同分類,再加上上課時間、日期、堂數、收費同學生對象呢啲輔助元素。呢啲格式除咗方便嚟到hobbi.hk網站同app嘅學生們可以好快咁搵到適合嘅課程之外,仲對響Google、Bing或者Yahoo呢啲搜尋引擎(Search Engine)上,俾搜尋相關字詞嘅人更容易咁搵到你嘅課程廣告。

關於搜尋引擎優化(SEO, Search Engine Optimization)

一個同時吸引到「真人訪客」同搜尋引擎「機械人訪客」嘅課程廣告,最重要嘅係文字內容,即係適合嘅標題同課程介紹。「機械人訪客」會先注重以下幾點從而斷定應否推高頁面嘅搜尋引擎排名:

  1. 標題
  2. 內容字數 (建議約200-400字)
  3. 文字內容嘅關連性
  4. 外部嘅連結連住呢一頁,包括其他網站、公開嘅討論區、Facebook、Instagram、Youtube或者微博嘅連結咁

而「真人訪客」嚟講,清楚嘅標題同相對詳細嘅課程介紹,可以令佢地了解「究竟個課程具體地教、學啲乜嘢」,文字太長無人會睇、睇完識咗都唔駛學啦!趕客;太短,唔夠詳細,吸引唔到訪客撳落去睇、查詢或者報名。

嚟緊,我哋會逐一講下點樣寫好啲個課程廣告,令到你嘅廣告課程更吸引,更有效。